عندك فستان مكشوف او عريان وعايزاله افكار (تعالى)

مرحبا بنات

مبارك عليكم الشهر
وعساكم من عواده

لاحظت كثير من البنات بقسم الاستفسارات
يسألون عن طريقة لتعديل موديل السهره العاري
بس بدون لا يخترب او يتشوه شكله ..

فحبيت اساعدكم
واقدم لكم اكثر من فكره ((بالصور))
تقدرون تعدلون فيها موديل السهره
بشكل حلو وانيق ومرتب

اول طريقه

نغطي الجزء العاري ( اعلى الصدر والاكتاف)
بالدانتيل الناعم والساده بنفس لون الفستان
او لون قريب جدا له .. وتكون الاكمام ضيقه طبعاً

(( مع مراعاة انج ما تلبسين اي اكسسوار
على الصدر والرقبة .. عشان لا يطلع شكلج مبالغ فيه ))

ثاني طريقة

تضيفين للموديل كم او جاكيت من الدانتيل الساده
والناعم بالقصه اللي تناسب موديلج .. انتي و ذوقج

ثالث طريقه

جاكيت قصير بنفس قماش ولون الموديل بالضبط
وتقدرين تضيفين للكم شك او تطريز على ذوقج
راح تصير كأنها بدله .. واذا ضبطتيها بتصير وايد راقيه

رابع طريقه

اذا كان الموديل بسيط وناعم تقدرين تركبين
الجاكيت او الكم بطريقه مبتكره .. ومميزه
بحيث تكون قطعه اساسيه للموديل ..

خامس طريقه

اهي الطريقه التقليديه والقديمه
(( الشال )) اختاريه من الشيفون
او التل المشكوك او الساده ..
وابتعدي عن الأقمشه الثقيله
تقدرين تلبسينه بأكثر من طريقه
او تثبتينه ببروش ...

سادس طريقه

اذا كنتي تبين تغطين منطقة الصدر بس
لبسي عقد كبير وفخم .. أو مجموعة سلاسل
تغطي المنطقه كلها .. حركه حلوه وانيقه
و اكسسوار بنفس الوقت

سابع طريقه

واهي بحالة يكون الموديل مفتوح من الامام
او على جانب ... ركبي له قطعه قماش خفيفه
مثل الشيفون او التور او الدانتيل الخفيف
واحلى شي انه يكون بليسيه .. مثل الصور

منقول

» عندك دبدوب قديم ؟؟تعالى اعمليله نيو لوك
» افكار منزلية 2
» الدانيت افكار
» افكار منزلية -1-
» 7 افكار لتجديد غرفتك