خدعوك فقالوا : 2- تجميع كام مليون لغلق غرفة تسب الرسول

بسم الله الرحمن الرحيم

السلام عليكم ورحمة الله وبركاته

بنلاقى فى ايميلاتنا او فى المنتيات دعوة لتجميع توقيعات عن شئ ما
مثلا اخر ما وصلنى دعوة لتجميع توقيعات لغلق غرفة فى البال توك تقوم بسب النبى صلى الله علية وسلم
( على فكرة هى مش غرفة واحدة هما كتير )

دخلت على موقع جمع التوقيعات الشهير ال كل الناس بتعمل فية جمع التوقيعات
اخر حملة مكتوب فيها التالى
فى الاول من واضع الحملة
ننظر حاليا في تسليم الوثيقة الي جهة رسمية ترعاها وتتاخذ جميع الاجراءات القانونية اللازمة

وفى اخر الصفحة من ادرة الموقع
The End the Hate Petition to Paltalk was created by Muslim Family of Paltalk and written by اسم واضع الحملة و ايميلة this petition is hosted here عنوان الموقع as a public service. There is no endorsement of this petition, express or implied, by Artifice, Inc.or our sponsors

يعنى ال واضع جمع التوقيعات لسة مش عارف مين حينفذة
و الموقع بيقول يا جماعة ال واضع الموضوع دة فلان وملناش دعوة ومش علينا اى مسئولية احنا مجرد موقع استضافة .

لما لقيت من سنة تقريبا دعوة للتصويت لغلق غرفة فى البال توك تسب رسولنا الكريم جريت بسرعة و قمت بالتصويت مش باسمى بس لا بكل ايملاتى و اسماء و ايميلات اصحابى و اهلى بعد طبعا ما قلت لهم
بس انا بقى بصراحة من النوع ال مش يصوت ويرمى ورا ضهرة تابعت التصويت اشوف الاخبار اية لما العدد تعدى المليون لقيت المقدمة بتاعة التصويت تغيرت الى 2 مليون الموضوع غريب بس برضة مقبول يمكن عايزين يعجزوا المسلمين ال يعنى مش حنقدر نجمع ال 2 مليون بس بقى لما اتغير الرقم ل 3 مليون اتنرفزت وخصوصا لما عرفت ان الموضوع كلة تجميع ايملاتنا علشان تتباع لشركات الدعاية
بس بقى لما الاقى الموضوع بقى 4 مليون اقول لكم حرام بقى حاتجنن حنفوق امتى و نشوف الامور على حقيقتها

المنتدى فية 8 مواضيع تدعوا للتصويت
تجميع مليون - 2 مليون - 3 مليون - و4 مليون صوت

كل المواضيع على نفس رابط التصويت
اعتقد ان دة اثبات كافى لكلامى
طبعا انا لا الوم اخواتى واخوانى اصحاب المواضيع الداعية للتصويت وحمع التوقيعات بالعكس انا احيى فيهم سرعة استجابتهم ودعوتهم لما وصلهم و ظهر كنصرة لسيد الخلق سيدنا محمد علية الصلاة والسلام جزاهم الله خيرا وبارك فيهم
ولكنى ادعو للتدبر والتفكير فيما يصلنا
والله المستعان

قامت احدى الاخوات بارسال رسالة على احدى المجموعات البريدية تنشر فيها خبر جمع التوقيعات وكان هذا هو رد احدى الاخوات عليها
بصراحة خلانى افكر اكتر فى الموضوع هذا هو الرد بدون تغييرات

"بارك الله فيك أختي الكريمة على حرصك وغيرتك وأرجوا ألا تتعجبي إن قلت لك أني أرى عدم التصويت
لأننا إذا صوتنا فسوف تكثر غرف النصارى التي تسب النبي صلى الله عليه وسلم نعم سوف تكثر ولن تقلّ
وهذه حيلة من عُبّاد الصليب لأن هذه المليون إيميل التي سوف تأتيهم يأخذونها هم ويبيعونها على الشركات والشركات بدورها تراسل أصحاب هذه الإيميلات باستمرار وتعمل دعاية لمنتجاتها
وبما أن هذه الطريقة مربحة لهم فإنهم سوف يقيمون غرف أخرى لسب النبي صلى الله عليه وسلم وانتقاص الإسلام ليتربحوا وسوف يُطالبون بمليون توقيع آخر"

اية رايكم
؟
؟
؟
عايزاكم تقولوا لى كام واحد مننا راح وقع فى حملة جمع توقيعات
و بعدها دور ورا الموضوع وصل لاية ؟
اتجمع المليون والا لا
ولو اتجمع اتنفذ المطلوب والا لا ؟؟؟
بالطبع لا لان مش من مصلحة البال توك غلق اى غرفة ومش فية اى جهة تلزمها بالتنفيذ

جزاكم الله خيرا