نص كيلو كبد فراخ
4 كوب رز مصري ( او حسب الصينيه التي تستخدميها )
2 كوب حليب
2 كوب شوربة
ملعقة سمن
بصلة كبيرة مفرية
طبعا ملح وفلفل اسود
الطريقة ::
نغسل الكبد جيدا ونقطعها قطع صغير مكعبات يعني
ونغسل الرز ونصفيه من الماء ويستحسن ينقع من قبلها بنص ساعه لو مفيش وقت عادي
هنجيب البصله المفريه ونضيف عليها ملح وفلفل اسود وندعكها كويس جدااا
نضيف نص كميه البصله علي الكبد المقطعه والباقي علي الرز مع اضافه معلقه السمن علي الرز
طبعا هنقلب الرز مع البصل والسمن والكبد مع البصل ايضا وبعدين هنجيب الصينيه ونضع نصف كميه الرز
بعد كده هنضيف الكبد المخلوطه بالبصل
وبعدين باقي كميه الرز
بعد كده هنضع كوبين الحليب علي النار مع اضافه بسيطه من الملح والفلفل عليه
اول ما يبدأ بالغليان نضيف فورا كوبين الشوربه
بعد كده هنستعد لنضيفه علي الصينيه ولكن بهدوء حتي لا تتلخبط الصينيه
وده بعد ما ضفت الحليب بالشوربه علي الصينيه ولازم الشوربه اوعوا تستغنوا عنها الرز مش هيستوي من غيره
وانا قدمتها اليوم مع فراخ وشوربه لسان عصفور وسلطة خضراء
وبألف هنا وشفا
19th سبتمبر 2008, 6:46 am